Arkivo

Monthly Archives: Majo 2017

En la kataluna administracio estas la posteno nomata “síndic de greuges”, kies celo estas garantii al ĉiuj homoj la rajton je bona registara administrado. La postenon okupas Rafael Ribó, kiu prilaboris dokumenton en kiu li denuncas la ĵusajn “demokratiajn retropaŝojn” en Hispanio. La dokumenton oni prezentos publike la venontan 29an de majo, ĝi ampleksas 31 paĝojn kaj profunde analizas la reformigon de la Konstitucia Tribunalo de Hispanio, la juĝistajn persekutojn kontraŭ la prezidinto Artur Mas kaj tri el la membroj de lia registaro, kontraŭ magistratatanoj de Badalona kaj Vic, aŭ la mankon de disapartiĝo inter la povoj de la ŝtato. Ĝi memorigas ankaŭ la avertojn kaj rekomendojn kiujn la Komisiono de Venecio kaj la Konsilio de Eŭropo faris al la registaro de Mariano Rajoy, kiu plu malatentas ilin. La nomo de la titolo estas “Retropaŝoj en la afero de homaj rajtoj: esprimlibereco de la elektitaj postenoj kaj disapartiĝo de povoj en la Regno Hispanio”. La teksto jam estas legebla en la kataluna, en la kastilia kaj en la angla.

Advertisements